zamin se shukr o shikayat hai aasman se nahin

zamīñ se shukr o shikāyat hai āsmāñ se nahīñ

ki ham yahīñ se haiñ jo kuchh bhī haiñ vahāñ se nahīñ

bas ek saaya sā phirtā hai dil meñ āvāra

hamāre ġham kā koī silsila fuġhāñ se nahīñ

savāl-e-shola-e-nok-e-zabāñ hai kyā kahiye

kahāñ se aa.e haiñ ham log aur kahāñ se nahīñ

ravish meñ charḳh tapish meñ zamīñ dihish meñ sahāb

ye musht-e-ḳhāk kisī tiira ḳhāk-dāñ se nahīñ

hunar hai masti-e-jāñ raunaq-e-dukāñ kyuuñ ho

ayār-e-masti-e-jāñ raunaq-e-dukāñ se nahīñ

mirā nasab hai mirī zāt-e-pāk se zāhir

sharāfat-e-nasabī naubat o nishāñ se nahīñ

zamin se shukr o shikayat hai aasman se nahin

ki hum yahin se hain jo kuchh bhi hain wahan se nahin

bas ek saya sa phirta hai dil mein aawara

hamare gham ka koi silsila fughan se nahin

sawal-e-shola-e-nok-e-zaban hai kya kahiye

kahan se aae hain hum log aur kahan se nahin

rawish mein charKH tapish mein zamin dihish mein sahab

ye musht-e-KHak kisi tera KHak-dan se nahin

hunar hai masti-e-jaan raunaq-e-dukan kyun ho

ayar-e-masti-e-jaan raunaq-e-dukan se nahin

mera nasab hai meri zat-e-pak se zahir

sharafat-e-nasabi naubat o nishan se nahin