zamin se ta-falak chhai hui hai raushni-e-la

zamīñ se tā-falak chhā.ī huī hai raushnī-e-lā

ye saarā shahr hai merī nazar meñ aañkh kā dhokā

samundar meñ nadī ban kar utar jā.ūñ kahāñ tak maiñ

nigal jā.egā paanī ek din saarā badan merā

ugal degī zamīñ sab aag ik din apne andar kī

rakhe kab tak bhalā ye bojh siine par pahāḌoñ kā

nagar ko log khultā sā ik ā.īna samajhte the

magar mujh ko nazar aayā koī chehra na apnā sā

use meñ DhūñDhtā thā raat kī gahrī ḳhamoshī meñ

na jaane kis tarah phir shahr meñ merā huā charchā

zamin se ta-falak chhai hui hai raushni-e-la

ye sara shahr hai meri nazar mein aankh ka dhoka

samundar mein nadi ban kar utar jaun kahan tak main

nigal jaega pani ek din sara badan mera

ugal degi zamin sab aag ek din apne andar ki

rakhe kab tak bhala ye bojh sine par pahaDon ka

nagar ko log khulta sa ek aaina samajhte the

magar mujh ko nazar aaya koi chehra na apna sa

use mein DhunDhta tha raat ki gahri KHamoshi mein

na jaane kis tarah phir shahr mein mera hua charcha