zamin tang hai yarab ki aasman hai tang

zamīn tañg hai yārab ki āsmān hai tañg

ye kyā ki bandoñ pe paiham terā jahān hai tañg

mire savāl kā koī javāb kyā detā

ki tere shahr meñ har shaḳhs kī zabān hai tañg

karūñ to kaise karūñ harf-e-mudda.ā āġhāz

ġhazal ke vāste lafzoñ kā āsmān hai tañg

fazā meñ uḌte parinde kī ḳhair ho yārab

ki us kā tiir baḌā hai magar kamān hai tañg

nizām nau meñ na.e tajrabāt kaise kareñ

dil-o-dimāġh kī har shaḳhs ke uḌaan hai tañg

mire ḳhudā use āzād kar ye achchhā hai

hisār-e-jism meñ har vaqt merī jaan hai tañg

agarche ḳhud vo bahut tañg-zehn-o-dil hai magar

amīr-e-shahr ko duniyā kā har makān hai tañg

parinde chīḳh rahe haiñ ye kis kī hijrat par

ye kis ke vāste yārab terā jahān hai tañg

sukūñ-navāz haiñ TuuTī haveliyāñ lekin

ye aur baat ki shīshe kā bhī makān hai tañg

kise sunā.ūñ maiñ apnī shikast kā qissa

vo lafz aur vo lahja vo dāstān hai tañg

zamin tang hai yarab ki aasman hai tang

ye kya ki bandon pe paiham tera jahan hai tang

mere sawal ka koi jawab kya deta

ki tere shahr mein har shaKHs ki zaban hai tang

karun to kaise karun harf-e-muddaa aaghaz

ghazal ke waste lafzon ka aasman hai tang

faza mein uDte parinde ki KHair ho yarab

ki us ka tir baDa hai magar kaman hai tang

nizam nau mein nae tajrabaat kaise karen

dil-o-dimagh ki har shaKHs ke uDan hai tang

mere KHuda use aazad kar ye achchha hai

hisar-e-jism mein har waqt meri jaan hai tang

agarche KHud wo bahut tang-zehn-o-dil hai magar

amir-e-shahr ko duniya ka har makan hai tang

parinde chiKH rahe hain ye kis ki hijrat par

ye kis ke waste yarab tera jahan hai tang

sukun-nawaz hain TuTi haweliyan lekin

ye aur baat ki shishe ka bhi makan hai tang

kise sunaun main apni shikast ka qissa

wo lafz aur wo lahja wo dastan hai tang