zara bas kholna tha uske gesu-e-pareshan ko

zarā bas kholnā thā us ke gesū-e-pareshāñ ko

jo baaqī rah gayā thā sauñp aa.e ham bayābāñ ko

junūñ hañstā hai aksar chheḌtā hai ham ko ye kah kar

kushāda kyoñ samajh baiThe the āḳhir dasht-e-imkāñ ko

sunā hai dūdhiyā gāloñ meñ koī chāñd dekhā thā

mu'ālij pūchhtā thā kyā maraz hai chashm-e-hairāñ ko

hameñ mā'lūm thā mī'ād-e-'umr-e-hijr baḌhnī hai

sabab ye thā javāñ rakhne kā dil meñ vasl-armāñ ko

ye mazmūñ is qadar pechīda shāyad yuuñ nahīñ hotā

mushaḳhḳhas kar diyā hotā jo ham ne matn-e-'unvāñ ko

zara bas kholna tha us ke gesu-e-pareshan ko

jo baqi rah gaya tha saunp aae hum bayaban ko

junun hansta hai aksar chheDta hai hum ko ye kah kar

kushada kyon samajh baiThe the aaKHir dasht-e-imkan ko

suna hai dudhiya galon mein koi chand dekha tha

mu'alij puchhta tha kya maraz hai chashm-e-hairan ko

hamein ma'lum tha mi'ad-e-'umr-e-hijr baDhni hai

sabab ye tha jawan rakhne ka dil mein wasl-arman ko

ye mazmun is qadar pechida shayad yun nahin hota

mushaKHKHas kar diya hota jo hum ne matn-e-'unwan ko