zara si raat aur itna sawab kafi hai
zarā sī raat aur itnā savāb kaafī hai
mirī nazar ko faqat terā ḳhvāb kaafī hai
maiñ chāhtī nahīñ mujh ko varaq varaq likh de
sar-varaq hai jo ik intisāb kaafī hai
maiñ kyā karūñgī ye itnī kahāniyāñ le kar
mire liye to faqat ik kitāb kaafī hai
maiñ apnī pyaas ko mahsūs kar ke jiitī huuñ
samundaroñ kī talab kyā sarāb kaafī hai
maiñ tujh se miltī huuñ 'farhat' to ḳhauf aatā hai
ki mujh pe terā purānā hisāb kaafī hai
nahīñ haiñ lafz mayassar to phir ta.assur bhej
kisī bhī shakl meñ ho ik javāb kaafī hai
ḳhayāl-e-yār kahāñ hai koī batā.e use
mire liye vahī ḳhāna-ḳharāb kaafī hai
zara si raat aur itna sawab kafi hai
meri nazar ko faqat tera KHwab kafi hai
main chahti nahin mujh ko waraq waraq likh de
sar-waraq hai jo ek intisab kafi hai
main kya karungi ye itni kahaniyan le kar
mere liye to faqat ek kitab kafi hai
main apni pyas ko mahsus kar ke jiti hun
samundaron ki talab kya sarab kafi hai
main tujh se milti hun 'farhat' to KHauf aata hai
ki mujh pe tera purana hisab kafi hai
nahin hain lafz mayassar to phir tassur bhej
kisi bhi shakl mein ho ek jawab kafi hai
KHayal-e-yar kahan hai koi batae use
mere liye wahi KHana-KHarab kafi hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
