zara Thahro meri haalat sanbhal jae to phir jaana

zarā Thahro mirī hālat sañbhal jaa.e to phir jaanā

dil-e-betāb thoḌā sā bahal jaa.e to phir jaanā

abhī to furqatoñ ke sehr se niklā nahīñ huuñ maiñ

tumhāre vasl kā jaadū ye chal jaa.e to phir jaanā

jamī haiñ dhaḌkaneñ to munjamid haiñ merī sāñseñ bhī

badan meñ zindagī thoḌī machal jaa.e to phir jaanā

abhī jaao na tum jakḌā huā hai dard ne mujh ko

tumhāre dard kā lohā pighal jaa.e to phir jaanā

tumhāre vasl se jiine kī ḳhvāhish phir se janmī hai

ye nannhī sī tamanna phūl-phal jaa.e to phir jaanā

zara Thahro meri haalat sanbhal jae to phir jaana

dil-e-betab thoDa sa bahal jae to phir jaana

abhi to furqaton ke sehr se nikla nahin hun main

tumhaare wasl ka jadu ye chal jae to phir jaana

jami hain dhaDkanen to munjamid hain meri sansen bhi

badan mein zindagi thoDi machal jae to phir jaana

abhi jao na tum jakDa hua hai dard ne mujh ko

tumhaare dard ka loha pighal jae to phir jaana

tumhaare wasl se jine ki KHwahish phir se janmi hai

ye nannhi si tamanna phul-phal jae to phir jaana