zard hone se hara hone se kya hona hai

zard hone se harā hone se kyā honā hai

koī samjhā.e ki kyā hone se kyā honā hai

tū ne rahnā to yahīñ hai mire dil ke andar

merā matlab hai judā hone se kyā honā hai

achchhe logoñ ko hī rahtā hai mukāfāt kā ḳhauf

vo burā hai to burā hone se kyā honā hai

yaar āvāz to de koī ishārā to kare

sirf khiḌkī meñ khaḌā hone se kyā honā hai

apnā hone nahīñ detā mujhe hone kā dukh

aise 'ālam meñ tirā hone se kyā honā hai

baat tab ho ki koī aañkh bhī rasta dekhe

sirf darvāza khulā hone se kyā honā hai

bas yahī hogā ki mil jā.eñge kuchh dard na.e

aur to shahr nayā hone se kyā honā hai

faisla vo jise hāsil ho sanad logoñ kī

sirf kāġhaz pe likhā hone se kyā honā hai

jab ki is shahr ke sab log haiñ andhe bahre

harf hone se sadā hone se kyā honā hai

zard hone se hara hone se kya hona hai

koi samjhae ki kya hone se kya hona hai

tu ne rahna to yahin hai mere dil ke andar

mera matlab hai juda hone se kya hona hai

achchhe logon ko hi rahta hai mukafat ka KHauf

wo bura hai to bura hone se kya hona hai

yar aawaz to de koi ishaara to kare

sirf khiDki mein khaDa hone se kya hona hai

apna hone nahin deta mujhe hone ka dukh

aise 'alam mein tera hone se kya hona hai

baat tab ho ki koi aankh bhi rasta dekhe

sirf darwaza khula hone se kya hona hai

bas yahi hoga ki mil jaenge kuchh dard nae

aur to shahr naya hone se kya hona hai

faisla wo jise hasil ho sanad logon ki

sirf kaghaz pe likha hone se kya hona hai

jab ki is shahr ke sab log hain andhe bahre

harf hone se sada hone se kya hona hai