zard pinjar hinhinae samne khai na thi

zard pinjar hinhinā.e sāmne khaa.ī na thī

jis kā ḳhadsha ham ko bhī thā vo ghaḌī aa.ī na thī

paara paara jism-o-jāñ lā-manzarī gum-gashtagī

thī qabā ārāsta shamshīr lahrā.ī na thī

kaaT kar dast-e-duā jeboñ meñ rakh kar chal diye

dhuup sañvlā.ī thī banjar par ghaTā chhā.ī na thī

rāt-bhar ma.abad meñ raqs-e-ātishīñ hotā rahā

barf palkoñ se haTāne kī tavānā.ī na thī

rāhvār-e-abr par aa.e the jaane kyā hue

ham bhī chal ke aa.e the paanī meñ gahrā.ī na thī

sāhiloñ par sab umaD aa.e gharoñ ko chhoḌ kar

ham samajhte the kisī se bhī shanāsā.ī na thī

zard pinjar hinhinae samne khai na thi

jis ka KHadsha hum ko bhi tha wo ghaDi aai na thi

para para jism-o-jaan la-manzari gum-gashtagi

thi qaba aarasta shamshir lahrai na thi

kaT kar dast-e-dua jebon mein rakh kar chal diye

dhup sanwlai thi banjar par ghaTa chhai na thi

raat-bhar mabad mein raqs-e-atishin hota raha

barf palkon se haTane ki tawanai na thi

rahwar-e-abr par aae the jaane kya hue

hum bhi chal ke aae the pani mein gahrai na thi

sahilon par sab umaD aae gharon ko chhoD kar

hum samajhte the kisi se bhi shanasai na thi