zard sukhe hue chehre nahin achchhe lagte

zard sūkhe hue chehre nahīñ achchhe lagte

vaqt se pahle buḌhāpe nahīñ achchhe lagte

apne hāthoñ se jinheñ qatl kiyā hai ham ne

un ke chaurāhoñ pe putle nahīñ achchhe lagte

jin kā kapḌoñ meñ bhī uryāñ nazar aatā hai badan

un ke darvāzoñ pe parde nahīñ achchhe lagte

maañ kī mamtā meñ bhī laatī hai kamī bekārī

ghar meñ baiThe hue beTe nahīñ achchhe lagte

baap se rote hue bachche ne jhuñjhlā ke kahā

bhuuk meñ khel khilaune nahīñ achchhe lagte

darmiyāñ kachche gharoñ ke ye makānāt ūñche

in amīroñ ke irāde nahīñ achchhe lagte

hādse qatl fasād ābrū-rezī aġhvā

chhoḌiye roz ye qisse nahīñ achchhe lagte

mulk kī sarhadeñ kahne lagīñ ro kar 'anjum'

shahr meñ fauj ke daste nahīñ achchhe lagte

zard sukhe hue chehre nahin achchhe lagte

waqt se pahle buDhape nahin achchhe lagte

apne hathon se jinhen qatl kiya hai hum ne

un ke chaurahon pe putle nahin achchhe lagte

jin ka kapDon mein bhi uryan nazar aata hai badan

un ke darwazon pe parde nahin achchhe lagte

man ki mamta mein bhi lati hai kami bekari

ghar mein baiThe hue beTe nahin achchhe lagte

bap se rote hue bachche ne jhunjhla ke kaha

bhuk mein khel khilaune nahin achchhe lagte

darmiyan kachche gharon ke ye makanat unche

in amiron ke irade nahin achchhe lagte

hadse qatl fasad aabru-rezi aghwa

chhoDiye roz ye qisse nahin achchhe lagte

mulk ki sarhaden kahne lagin ro kar 'anjum'

shahr mein fauj ke daste nahin achchhe lagte