zarre zarre se zamin ke guftugu karte rahe

zarre zarre se zamīñ ke guftugū karte rahe

dil ke TukḌoñ kī hamesha justujū karte rahe

jiine vaale chal base sun kar ġham-e-duniyā magar

marne vaale zindagī kī aarzū karte rahe

maiñ to ik jalve meñ un ke sar-ba-sajda ho gayā

shaiḳh-o-zāhid vaqt khone ke vuzū karte rahe

josh meñ aa.e to dāman kī uḌā deñ dhajjiyāñ

hosh meñ aa.e to kāñToñ se rafū karte rahe

kahne vaalā kah gayā do hichkiyoñ meñ rāz-e-ġham

sunñe vaale muddatoñ tak guftugū karte rahe

hazrat-e-'naḳhshab' namāz-e-ishq paḌhne ke liye

ashk-e-chashm-e-shauq se aksar vuzū karte rahe

zarre zarre se zamin ke guftugu karte rahe

dil ke TukDon ki hamesha justuju karte rahe

jine wale chal base sun kar gham-e-duniya magar

marne wale zindagi ki aarzu karte rahe

main to ek jalwe mein un ke sar-ba-sajda ho gaya

shaiKH-o-zahid waqt khone ke wuzu karte rahe

josh mein aae to daman ki uDa den dhajjiyan

hosh mein aae to kanTon se rafu karte rahe

kahne wala kah gaya do hichkiyon mein raaz-e-gham

sunne wale muddaton tak guftugu karte rahe

hazrat-e-'naKHshab' namaz-e-ishq paDhne ke liye

ashk-e-chashm-e-shauq se aksar wuzu karte rahe