zarurat thi ki jo maidan mein nikle sar-ba-kaf nikle

zarūrat thī ki jo maidāñ meñ nikle sar-ba-kaf nikle

magar ham haiñ ki nikle bhī to le kar chang-o-daf nikle

hamīñ the inqilāb-e-dahr ke paiġhāmbar ik din

hamīñ ai vaa.e ab tīr-e-halākat kā hadaf nikle

hamīñ haiñ ab haqā.eq se jo katrā kar nikalte haiñ

hamīñ the jo masāf-e-zindagī meñ saf-ba-saf nikle

nahīñ dariyā-e-tahzīb-e-navī dariyā-e-zulmat hai

ajab kyā hai ki be-gauhar ho jo us se sadaf nikle

ġhazab kī tīrgī hai raat dekheñ kis tarah guzre

ajab gum-kardagī hai raah dekheñ kis taraf nikle

zamāna hai yazīdoñ aur fir.aunoñ kā kyā kiije

ki jis se kījiye fariyād usī ke muñh se kaf nikle

koī hai jo yahāñ is karbalā meñ jaan par khele

koī hai jo yahāñ ab sūrat-e-shāh-e-najaf nikle

zarurat thi ki jo maidan mein nikle sar-ba-kaf nikle

magar hum hain ki nikle bhi to le kar chang-o-daf nikle

hamin the inqilab-e-dahr ke paighambar ek din

hamin ai wae ab tir-e-halakat ka hadaf nikle

hamin hain ab haqaeq se jo katra kar nikalte hain

hamin the jo masaf-e-zindagi mein saf-ba-saf nikle

nahin dariya-e-tahzib-e-nawi dariya-e-zulmat hai

ajab kya hai ki be-gauhar ho jo us se sadaf nikle

ghazab ki tirgi hai raat dekhen kis tarah guzre

ajab gum-kardagi hai rah dekhen kis taraf nikle

zamana hai yazidon aur firaunon ka kya kije

ki jis se kijiye fariyaad usi ke munh se kaf nikle

koi hai jo yahan is karbala mein jaan par khele

koi hai jo yahan ab surat-e-shah-e-najaf nikle