zau-fishani ka hawala nahin hone wala

zau-fishānī kā havāla nahīñ hone vaalā

shab meñ jugnū se ujālā nahīñ hone vaalā

laakh barsāt ke paanī se na kyoñ bhar jaa.e

rashk-e-dariyā koī naala nahīñ hone vaalā

ik jagah jam.a nahīñ hoñge agar saare charāġh

is añdhere meñ ujālā nahīñ hone vaalā

jo bhī kahnā thā ġhazal meñ mirī vāzeh hai vo

merā har sher maqāla nahīñ hone vaalā

ye mohabbat hai tirī mujh ko jhukā detī hai

sar-nigūñ varna himāla nahīñ hone vaalā

kisī hikmat kisī tadbīr kā dāman thāmo

zer yuuñ sāmne vaalā nahīñ hone vaalā

inkisārī mirī fitrat se juḌī hai 'merāj'

ki alag chāñd se haalā nahīñ hone vaalā

zau-fishani ka hawala nahin hone wala

shab mein jugnu se ujala nahin hone wala

lakh barsat ke pani se na kyon bhar jae

rashk-e-dariya koi nala nahin hone wala

ek jagah jama nahin honge agar sare charagh

is andhere mein ujala nahin hone wala

jo bhi kahna tha ghazal mein meri wazeh hai wo

mera har sher maqala nahin hone wala

ye mohabbat hai teri mujh ko jhuka deti hai

sar-nigun warna himala nahin hone wala

kisi hikmat kisi tadbir ka daman thamo

zer yun samne wala nahin hone wala

inkisari meri fitrat se juDi hai 'meraj'

ki alag chand se haala nahin hone wala