zauq-e-nazar ko jalwa-e-be-tab le gaya

zauq-e-nazar ko jalvā-e-be-tāb le gayā

ta.abīr ke nashāt ko ik ḳhvāb le gayā

mauj-e-subuk-ḳhirām kī tahrīk hī to thā

vo hausla jo mujh ko tah-e-āb le gayā

sar un kī bārgāh meñ jhuk to gayā magar

dil ābrū-e-mimbar-o-mehrāb le gayā

naġhmāt-e-dil fazā meñ bikharne na paa.e the

tār-e-nafas ko sadma-e-mizrāb le gayā

dil irtiqā-e-zehn kā hāsil to ho gayā

husn-e-yaqīñ ko ālam-e-asbāb le gayā

hairat-fishāniyāñ mujhe de to gayā magar

ā.īna zindagī kī tab-o-tāb le gayā

ham ne mahal banā.e the kuchh regzār par

jin ko bahā ke vaqt kā sailāb le gayā

zauq-e-nazar ko jalwa-e-be-tab le gaya

tabir ke nashat ko ek KHwab le gaya

mauj-e-subuk-KHiram ki tahrik hi to tha

wo hausla jo mujh ko tah-e-ab le gaya

sar un ki bargah mein jhuk to gaya magar

dil aabru-e-mimbar-o-mehrab le gaya

naghmat-e-dil faza mein bikharne na pae the

tar-e-nafas ko sadma-e-mizrab le gaya

dil irtiqa-e-zehn ka hasil to ho gaya

husn-e-yaqin ko aalam-e-asbab le gaya

hairat-fishaniyan mujhe de to gaya magar

aaina zindagi ki tab-o-tab le gaya

hum ne mahal banae the kuchh regzar par

jin ko baha ke waqt ka sailab le gaya