zauq-e-parwaz mein sabit hua sayyaron se
zauq-e-parvāz meñ sābit huā sayyāroñ se
āsmāñ zer-e-zamīñ hai mirī yalġhāroñ se
kaise qātil haiñ jinheñ pās-e-vafā hai na jafā
qatl karte haiñ to aġhyār kī talvāroñ se
rah ke sāhil pe ho kis tarah kisī ko mālūm
kashtiyāñ kaise nikal aatī haiñ mañjdhāroñ se
gul hue jaate haiñ jalte hue derīna charāġh
ā.īna-ḳhānoñ kī girtī huī dīvāroñ se
ham mohabbat ko bas itnā hī samajhte haiñ 'farīd'
jū-e-shīr aa.ī hai bahtī huī kohsāroñ se
zauq-e-parwaz mein sabit hua sayyaron se
aasman zer-e-zamin hai meri yalghaaron se
kaise qatil hain jinhen pas-e-wafa hai na jafa
qatl karte hain to aghyar ki talwaron se
rah ke sahil pe ho kis tarah kisi ko malum
kashtiyan kaise nikal aati hain manjdhaaron se
gul hue jate hain jalte hue derina charagh
aaina-KHanon ki girti hui diwaron se
hum mohabbat ko bas itna hi samajhte hain 'farid'
ju-e-shir aai hai bahti hui kohsaron se
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
