zehn mein KHwabon ke kuchh paikar saja kar rakh diye

zehn meñ ḳhvāboñ ke kuchh paikar sajā kar rakh diye

ham ne apne ghar kī dīvāroñ pe chhappar rakh diye

shīsh-mahloñ ke muhāfiz ne guzishta raat ko

shahr kī galiyoñ meñ āvāzoñ ke patthar rakh diye

haath chhū luuñ to mahak jaa.e vo phūloñ kī tarah

kis ne us ke dil meñ ḳhushbū ke sanobar rakh diye

mere sheroñ se bahut barham haiñ fankārān-e-shahr

maiñ ne zarre āsmānoñ ke barābar rakh diye

maiñ dabā jaatā huuñ apne shahr ke kirdār meñ

apne apne bojh sab ne mere uupar rakh diye

zehn mein KHwabon ke kuchh paikar saja kar rakh diye

hum ne apne ghar ki diwaron pe chhappar rakh diye

shish-mahlon ke muhafiz ne guzishta raat ko

shahr ki galiyon mein aawazon ke patthar rakh diye

hath chhu lun to mahak jae wo phulon ki tarah

kis ne us ke dil mein KHushbu ke sanobar rakh diye

mere sheron se bahut barham hain fankaran-e-shahr

main ne zarre aasmanon ke barabar rakh diye

main daba jata hun apne shahr ke kirdar mein

apne apne bojh sab ne mere upar rakh diye