zer hone na diya himmat-e-ali ne mujhe

zer hone na diyā himmat-e-ālī ne mujhe

sar-kashīda hī rakhā sarv-ḳhayālī ne mujhe

itne chehre to na the arzañg-e-mānī ko nasīb

jitne chehre diye ā.īna-ḳhayālī ne mujhe

maiñ ne mansūb kiyā ḳhūn-e-jigar se varna

sher baḳhshe tire ruḳhsār kī laalī ne mujhe

dil ne razzāq-e-do-ālam ko pukārā kyā kyā

rah meñ rokā jo kisī dast-e-savālī ne mujhe

ye qalam-rū-e-suḳhan hai to chalo yuuñ hī sahī

mulk tafvīz kiyā jo mire vaalī ne mujhe

zer hone na diya himmat-e-ali ne mujhe

sar-kashida hi rakha sarw-KHayali ne mujhe

itne chehre to na the arzang-e-mani ko nasib

jitne chehre diye aaina-KHayali ne mujhe

main ne mansub kiya KHun-e-jigar se warna

sher baKHshe tere ruKHsar ki lali ne mujhe

dil ne razzaq-e-do-alam ko pukara kya kya

rah mein roka jo kisi dast-e-sawali ne mujhe

ye qalam-ru-e-suKHan hai to chalo yun hi sahi

mulk tafwiz kiya jo mere wali ne mujhe