zist ke tajrabe ki baaten hain

ziist ke tajrabe kī bāteñ haiñ

ishq meñ sab pate kī bāteñ haiñ

merī barbādiyoñ ke haiñ qisse

aur tire sochne kī bāteñ haiñ

jaane kyā kyā utartā hai dil par

jaane kis kis samay kī bāteñ haiñ

ḳhāl-o-ḳhad saarā kuchh nahīñ kahte

is meñ kuchh aa.ine kī bāteñ haiñ

tum chaloge to maiñ batā.uñgā

ek do rāste kī bāteñ haiñ

merā nuqsān hai sarāsar dekh

aur tire fā.ede kī bāteñ haiñ

kyā kabhī lauT kar bhī aa.e log

ye tire bachpane kī bāteñ haiñ

ham ne kaise kiyā tujhe ruḳhsat

ye baḌe hausle kī bāteñ haiñ

'yūsufī' se kabhī mile ho tum

us kī bāteñ maze kī bāteñ haiñ

zist ke tajrabe ki baaten hain

ishq mein sab pate ki baaten hain

meri barbaadiyon ke hain qisse

aur tere sochne ki baaten hain

jaane kya kya utarta hai dil par

jaane kis kis samay ki baaten hain

KHal-o-KHad sara kuchh nahin kahte

is mein kuchh aaine ki baaten hain

tum chaloge to main bataunga

ek do raste ki baaten hain

mera nuqsan hai sarasar dekh

aur tere faede ki baaten hain

kya kabhi lauT kar bhi aae log

ye tere bachpane ki baaten hain

hum ne kaise kiya tujhe ruKHsat

ye baDe hausle ki baaten hain

'yusufi' se kabhi mile ho tum

us ki baaten maze ki baaten hain