zist ko chahaton se sajaya kahan

ziist ko chāhatoñ se sajāyā kahāñ

tum ne rūThe huoñ ko manāyā kahāñ

raushnī baañT kar tīrgī meñ rahe

apne hisse kā sūraj bachāyā kahāñ

ek hī baar hotī hai dil kī lagī

dil jo TuuTā to phir se lagāyā kahāñ

kab se āñkheñ bichhī haiñ ye dahlīz par

jaane vaalā palaT kar vo aaya kahāñ

sab mukhauTe ke andar bahut ḳhush hue

ham gire to kisī ne uThāyā kahāñ

log sāhil se lete rahe bas maza

Dūbte ko kisī ne bachāyā kahāñ

dhuup meñ ab dukhoñ kī akele haiñ sab

vo saroñ pe mohabbat kā saayā kahāñ

zist ko chahaton se sajaya kahan

tum ne ruThe huon ko manaya kahan

raushni banT kar tirgi mein rahe

apne hisse ka suraj bachaya kahan

ek hi bar hoti hai dil ki lagi

dil jo TuTa to phir se lagaya kahan

kab se aankhen bichhi hain ye dahliz par

jaane wala palaT kar wo aaya kahan

sab mukhauTe ke andar bahut KHush hue

hum gire to kisi ne uThaya kahan

log sahil se lete rahe bas maza

Dubte ko kisi ne bachaya kahan

dhup mein ab dukhon ki akele hain sab

wo saron pe mohabbat ka saya kahan