zikr hota hai us pari-wash ka jab bhi mahfil mein baat hoti hai
zikr hota hai us pari-wash ka jab bhi mahfil mein baat hoti hai
Usman Shaheen
MORE BYUsman Shaheen
zikr hotā hai us parī-vash kā jab bhī mahfil meñ baat hotī hai
us kī yādoñ kī anjuman hī meñ din guzartā hai raat hotī hai
sadqe utrī hai ziist is dil ke ruuh kī hai mafāriqat tan se
iltihāb-e-vajūd ḳhatm huā ġham se dil ko najāt hotī hai
laakh pahre bhī hoñ to mahfil meñ baat karne se kaise rokeñge
kaun jaane zabān-e-ahl-e-vafā āñkhoñ āñkhoñ meñ baat hotī hai
lamhe guzre jo un kī bāhoñ meñ raqs-kun ab bhī haiñ nigāhoñ meñ
un kī zulfoñ kī chhāñv ke nīche kitnī dilkash hayāt hotī hai
us kī tārīf kyā kareñ 'shāhīn' saath jis ke ḳhudā.ī hai saarī
zulf sañvrī to din nikaltā hai zulf bikhrī to raat hotī hai
zikr hota hai us pari-wash ka jab bhi mahfil mein baat hoti hai
us ki yaadon ki anjuman hi mein din guzarta hai raat hoti hai
sadqe utri hai zist is dil ke ruh ki hai mafariqat tan se
iltihab-e-wajud KHatm hua gham se dil ko najat hoti hai
lakh pahre bhi hon to mahfil mein baat karne se kaise rokenge
kaun jaane zaban-e-ahl-e-wafa aankhon aankhon mein baat hoti hai
lamhe guzre jo un ki bahon mein raqs-kun ab bhi hain nigahon mein
un ki zulfon ki chhanw ke niche kitni dilkash hayat hoti hai
us ki tarif kya karen 'shahin' sath jis ke KHudai hai sari
zulf sanwri to din nikalta hai zulf bikhri to raat hoti hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
