zikr tera agar nahin aata

zikr terā agar nahīñ aatā

chain shām-o-sahar nahīñ aatā

tū hai maujūd har jagah lekin

kyoñ kisī ko nazar nahīñ aatā

jaan le vaqt kī haqīqat ko

vaqt phir lauT kar nahīñ aatā

ab bhī haiñ us kī muntazir nazreñ

kyoñ vo jān-e-jigar nahīñ aatā

terī sūrat basī hai āñkhoñ meñ

koī duujā nazar nahīñ aatā

ham ne aise shajar bhī dekhe haiñ

jin pe koī samar nahīñ aatā

apnā apnā likhā muqaddar hai

haath meñ sab ke zar nahīñ aatā

kar ke ham bhī zarā ye dekheñge

raas kaise safar nahīñ aatā

jaane kis haal meñ vo hai ab ke

koī le kar ḳhabar nahīñ aatā

shā.erī bhī hai ik hunar 'rāmish'

sab ko ab ye hunar nahīñ aatā

zikr tera agar nahin aata

chain sham-o-sahar nahin aata

tu hai maujud har jagah lekin

kyon kisi ko nazar nahin aata

jaan le waqt ki haqiqat ko

waqt phir lauT kar nahin aata

ab bhi hain us ki muntazir nazren

kyon wo jaan-e-jigar nahin aata

teri surat basi hai aankhon mein

koi duja nazar nahin aata

hum ne aise shajar bhi dekhe hain

jin pe koi samar nahin aata

apna apna likha muqaddar hai

hath mein sab ke zar nahin aata

kar ke hum bhi zara ye dekhenge

ras kaise safar nahin aata

jaane kis haal mein wo hai ab ke

koi le kar KHabar nahin aata

shaeri bhi hai ek hunar 'ramish'

sab ko ab ye hunar nahin aata