zikr un ka jo hua aankhon se barsat hui
zikr un kā jo huā āñkhoñ se barsāt huī
haañ mire saath ajab sāzish-e-hālāt huī
mirī ḳhāmoshī ko tū aur koī naam na de
maiñ tujhe bhuul gayā ye bhī koī baat huī
saath mere the magar thī kahīñ duzdīda nazar
raat mahfil meñ mire saath baḌī ghaat huī
ek hī jin ke diyā thā vo fasādoñ meñ bujhā
un se kyā pūchhte ho din huā yā raat huī
maiñ ne samjhā thā jise dost-o-muāvin apnā
usī be-dard ke hāthoñ se mujhe maat huī
apne ḳhāshāk-e-nasheman ke liye kaañp uThā
jab bhī tūfāñ kī bahāroñ meñ kahīñ baat huī
baad muddat ke munavvar huiiñ āñkheñ 'mūnis'
us parī-vash se achānak jo mulāqāt hoī
zikr un ka jo hua aankhon se barsat hui
han mere sath ajab sazish-e-haalat hui
meri KHamoshi ko tu aur koi nam na de
main tujhe bhul gaya ye bhi koi baat hui
sath mere the magar thi kahin duzdida nazar
raat mahfil mein mere sath baDi ghat hui
ek hi jin ke diya tha wo fasadon mein bujha
un se kya puchhte ho din hua ya raat hui
main ne samjha tha jise dost-o-muawin apna
usi be-dard ke hathon se mujhe mat hui
apne KHashak-e-nasheman ke liye kanp uTha
jab bhi tufan ki bahaaron mein kahin baat hui
baad muddat ke munawwar huin aankhen 'munis'
us pari-wash se achanak jo mulaqat hoi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
