zilam-e-fikr se ahl-e-nazar nikal aae

zilām-e-fikr se ahl-e-nazar nikal aa.e

sadaf se jis tarah koī guhar nikal aa.e

mizāj-e-shahr meñ kis ne ye zahr gholā hai

ki baat baat pe teġh-o-tabar nikal aa.e

koī raqīb to koī ‘azīz-e-jāñ Thahrā

dayār-e-'ishq meñ 'aib-o-hunar nikal aa.e

bhaTak rahe haiñ bahut ham sarāb-e-hastī meñ

du'ā karo ki koī rah-guzar nikal aa.e

chahār samt añdhere haiñ dil fasurda hai

kahīñ to abr-e-siyah se qamar nikal aa.e

ġhulām hāñpte phirte haiñ mustaqar hī nahīñ

nizām-e-zar meñ safar-dar-safar nikal aa.e

lahū se maqtal-e-ulfat meñ rang bhar deñge

hamāre naam kā qur’ā agar nikal aa.e

ye kyā ki jab bhī samundar meñ naav Daalī hai

to mauj mauj meñ har-sū bhañvar nikal aa.e

dayār-e-'aql meñ baunoñ kī bhiiḌ hai har-sū

ḳhudā kare ki koī mo'tabar nikal aa.e

tire shu'ūr se aise chamak uThe duniyā

vajūd-e-sang se jaise sharar nikal aa.e

hisār-e-zulm se nikleñge is tarah 'rāhī'

shab-e-siyāh se jaise sahar nikal aa.e

zilam-e-fikr se ahl-e-nazar nikal aae

sadaf se jis tarah koi guhar nikal aae

mizaj-e-shahr mein kis ne ye zahr ghola hai

ki baat baat pe tegh-o-tabar nikal aae

koi raqib to koi ‘aziz-e-jaan Thahra

dayar-e-'ishq mein 'aib-o-hunar nikal aae

bhaTak rahe hain bahut hum sarab-e-hasti mein

du'a karo ki koi rah-guzar nikal aae

chahaar samt andhere hain dil fasurda hai

kahin to abr-e-siyah se qamar nikal aae

ghulam hanpte phirte hain mustaqar hi nahin

nizam-e-zar mein safar-dar-safar nikal aae

lahu se maqtal-e-ulfat mein rang bhar denge

hamare nam ka qur’a agar nikal aae

ye kya ki jab bhi samundar mein naw Dali hai

to mauj mauj mein har-su bhanwar nikal aae

dayar-e-'aql mein baunon ki bhiD hai har-su

KHuda kare ki koi mo'tabar nikal aae

tere shu'ur se aise chamak uThe duniya

wajud-e-sang se jaise sharar nikal aae

hisar-e-zulm se niklenge is tarah 'rahi'

shab-e-siyah se jaise sahar nikal aae