zinda rahna hai to sanson ka ziyan aur sahi
zinda rahnā hai to sāñsoñ kā ziyāñ aur sahī
raushnī ke liye thoḌā sā dhuāñ aur sahī
sub.h kī shart pe manzūr haiñ rāteñ ham ko
phuul khilte hoñ to kuchh roz ḳhizāñ aur sahī
ḳhvāb tābīr kā hissa hai to so kar dekheñ
sach ke idrāk meñ ik shahr-e-gumāñ aur sahī
vo barush aur maiñ rotā huuñ qalam se apne
dard to ek haiñ donoñ ke zabāñ aur sahī
kaT ga.e apnī hī miTTī se to jaldī kyā hai
ab zamīñ aur sahī aur makāñ aur sahī
zinda rahna hai to sanson ka ziyan aur sahi
raushni ke liye thoDa sa dhuan aur sahi
subh ki shart pe manzur hain raaten hum ko
phul khilte hon to kuchh roz KHizan aur sahi
KHwab tabir ka hissa hai to so kar dekhen
sach ke idrak mein ek shahr-e-guman aur sahi
wo barush aur main rota hun qalam se apne
dard to ek hain donon ke zaban aur sahi
kaT gae apni hi miTTi se to jaldi kya hai
ab zamin aur sahi aur makan aur sahi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
