zinda rahne ko bhi lazim hai sahaara koi

zinda rahne ko bhī lāzim hai sahārā koī

kaash mil jaa.e ġham-e-hijr kā maarā koī

hai tirī zaat se mujh ko vahī nisbat jaise

chāñd ke saath chamaktā ho sitārā koī

ye mohabbat to kisī paar na lagne degī

ye vo dariyā hai nahīñ jis kā kinārā koī

kaise jānoge ki rātoñ kā taḌapnā kyā hai

tum se bichhḌā jo nahīñ jaan se pyārā koī

ham mohabbat meñ bhī qaa.il rahe yaktā.ī ke

ham ne rakkhā hī nahīñ dil meñ dubāra koī

sochtī huuñ tire pahlū meñ jo baiThā hogā

kaisā hogā vo parī-vash vo tumhārā koī

kaun bāñTegā mire saath mirī tanhā.ī

DhūñD ke lā do mujhe ziist se haarā koī

zinda rahne ko bhi lazim hai sahaara koi

kash mil jae gham-e-hijr ka mara koi

hai teri zat se mujh ko wahi nisbat jaise

chand ke sath chamakta ho sitara koi

ye mohabbat to kisi par na lagne degi

ye wo dariya hai nahin jis ka kinara koi

kaise jaanoge ki raaton ka taDapna kya hai

tum se bichhDa jo nahin jaan se pyara koi

hum mohabbat mein bhi qail rahe yaktai ke

hum ne rakkha hi nahin dil mein dubara koi

sochti hun tere pahlu mein jo baiTha hoga

kaisa hoga wo pari-wash wo tumhaara koi

kaun banTega mere sath meri tanhai

DhunD ke la do mujhe zist se haara koi