zindan se nikal jaane ki tadbir nikale

zindāñ se nikal jaane kī tadbīr nikāle

har roz koī halqa-e-zanjīr nikāle

koī bhī jarī madd-e-muqābil nahīñ aaya

maiñ shahr meñ phirtā rahā shamshīr nikāle

aisā na ho guddī se zabāñ khīñch lī jaa.e

ab muñh se koī shaḳhs na taqrīr nikāle

jab bhī mujhe pardes ne luuTā to duā kī

ghar se na kisī shaḳhs ko taqdīr nikāle

gar qaid-e-musalsal kī kahānī nahīñ suntā

āñchal se zarā zulf-e-girah-gīr nikāle

ik umr kī koshish se bhī mumkin nahīñ nikle

jo rāh-e-suḳhan 'mīr-taqī-mīr' nikāle

zindan se nikal jaane ki tadbir nikale

har roz koi halqa-e-zanjir nikale

koi bhi jari madd-e-muqabil nahin aaya

main shahr mein phirta raha shamshir nikale

aisa na ho guddi se zaban khinch li jae

ab munh se koi shaKHs na taqrir nikale

jab bhi mujhe pardes ne luTa to dua ki

ghar se na kisi shaKHs ko taqdir nikale

gar qaid-e-musalsal ki kahani nahin sunta

aanchal se zara zulf-e-girah-gir nikale

ek umr ki koshish se bhi mumkin nahin nikle

jo rah-e-suKHan 'mir-taqi-mir' nikale