zindagi ab teri be-masraf hai ghar ko chhoD de

zindagī ab terī be-masraf hai ghar ko chhoḌ de

ḳhushk pattā jis tarah apne shajar ko chhoḌ de

ḳhvāhishoñ ke pur-ḳhatar jangal meñ āvāra na ghuum

duur manzil se jo kar de us Dagar ko chhoḌ de

dā.eroñ ke is safar kī intihā koī nahīñ

lauT mehvar kī taraf aise safar ko chhoḌ de

kyoñ na sayyāre bhī ulTī chaal hī chalne lageñ

aadmī jab ādamiyyat kī Dagar ko chhoḌ de

hai faqīh-e-shahr kī ḳhud qātiloñ se sāz-bāz

DhūñD mat insāf us se us ke dar ko chhoḌ de

ban ga.e haiñ paañv kī zanjīr tere bām-o-dar

zauq-e-manzil hai to apne bām-o-dar ko chhoḌ de

TūTtā hai jab koī rishta to bhar aatā hai dil

phir bhī aañsū poñchh naḳhl-e-be-samar ko chhoḌ de

tere āñchal kī havā us ke muqaddar meñ kahāñ

ġham se ghabrā kar jo terī rahguzar ko chhoḌ de

us ne sīkhā bhī to kyā sīkhā zamāne se 'shabāb'

dūsre ke aib jo le le hunar ko chhoḌ de

zindagi ab teri be-masraf hai ghar ko chhoD de

KHushk patta jis tarah apne shajar ko chhoD de

KHwahishon ke pur-KHatar jangal mein aawara na ghum

dur manzil se jo kar de us Dagar ko chhoD de

daeron ke is safar ki intiha koi nahin

lauT mehwar ki taraf aise safar ko chhoD de

kyon na sayyare bhi ulTi chaal hi chalne lagen

aadmi jab aadamiyyat ki Dagar ko chhoD de

hai faqih-e-shahr ki KHud qatilon se saz-baz

DhunD mat insaf us se us ke dar ko chhoD de

ban gae hain panw ki zanjir tere baam-o-dar

zauq-e-manzil hai to apne baam-o-dar ko chhoD de

TuTta hai jab koi rishta to bhar aata hai dil

phir bhi aansu ponchh naKHl-e-be-samar ko chhoD de

tere aanchal ki hawa us ke muqaddar mein kahan

gham se ghabra kar jo teri rahguzar ko chhoD de

us ne sikha bhi to kya sikha zamane se 'shabab'

dusre ke aib jo le le hunar ko chhoD de