zindagi bhar humse mat puchho ki kya karte rahe

zindagī bhar ham se mat pūchho ki kyā karte rahe

gardish-e-daurāñ kā jam kar sāmnā karte rahe

gulsitāñ to jal gayā lekin muhibbān-e-chaman

aap se ham pūchhte haiñ aap kyā karte rahe

shahr saarā nafratoñ kī aag meñ jaltā rahā

aap the ki ghar meñ baiThe mashvara karte rahe

luT gayā sab kuchh to gahrī niiñd se āñkheñ khulīñ

ham ko kyā karnā thā yaaro aur kyā karte rahe

un kī nazroñ ko na bhāyā dūsrā koī 'na'īm'

mujh pe hī vo har sitam kī intihā karte rahe

zindagi bhar hum se mat puchho ki kya karte rahe

gardish-e-dauran ka jam kar samna karte rahe

gulsitan to jal gaya lekin muhibban-e-chaman

aap se hum puchhte hain aap kya karte rahe

shahr sara nafraton ki aag mein jalta raha

aap the ki ghar mein baiThe mashwara karte rahe

luT gaya sab kuchh to gahri nind se aankhen khulin

hum ko kya karna tha yaro aur kya karte rahe

un ki nazron ko na bhaya dusra koi 'na'im'

mujh pe hi wo har sitam ki intiha karte rahe