zindagi bhar ki duaon ka sila hota hai

zindagī bhar kī du'āoñ kā sila hotā hai

ik vo sajda jo tire dar pe adā hotā hai

dosto pursish-e-ahvāl se kyā hotā hai

is tasallī se to ġham aur sivā hotā hai

jo halāk-e-ravish-e-ḳhud-nigarī ho jaa.eñ

un ko ā.īna dikhāne se bhī kyā hotā hai

phuul ḳhud ātish-e-jazbāt se jal jaate haiñ

varna tabdīlī-e-hālāt se kyā hotā hai

koī manzil ho magar zinda-e-jāved hai 'ishq

aaj bhī tazkira-e-ahl-e-vafā hotā hai

rahbar-e-kor-nazar ko ye batā do 'bismil'

gard-e-manzil hī meñ manzil kā pata hotā hai

zindagi bhar ki du'aon ka sila hota hai

ek wo sajda jo tere dar pe ada hota hai

dosto pursish-e-ahwal se kya hota hai

is tasalli se to gham aur siwa hota hai

jo halak-e-rawish-e-KHud-nigari ho jaen

un ko aaina dikhane se bhi kya hota hai

phul KHud aatish-e-jazbaat se jal jate hain

warna tabdili-e-haalat se kya hota hai

koi manzil ho magar zinda-e-jawed hai 'ishq

aaj bhi tazkira-e-ahl-e-wafa hota hai

rahbar-e-kor-nazar ko ye bata do 'bismil'

gard-e-manzil hi mein manzil ka pata hota hai