zindagi bhi wo zindagi hi nahin

zindagī bhī vo zindagī hī nahīñ

jis kā maqsūd āgahī hī nahīñ

jal rahe haiñ charāġh har jānib

dil ke hujre meñ raushnī hī nahīñ

ḳhushk sahrā mirā vajūd sahī

par nigāhoñ meñ tishnagī hī nahīñ

ādamiyyat kī soch se hai pare

jis kī fitrat meñ ājizī hī nahīñ

aisā banda bhī koī banda hai

jis meñ maujūd bandagī hī nahīñ

husn āsūda-e-nazar kyā ho

jis kī ḳhaslat meñ sādgī hī nahīñ

chāñd niklā hai aaj chaudhvīñ kā

mere āñgan meñ chāñdnī hī nahīñ

gungunāhaT meñ ġham hai bhañvaroñ kī

aaj phūloñ meñ tāzgī hī nahīñ

haa.e is daur-e-nā-masā.ed meñ

mo'atabar koī aadmī hī nahīñ

zindagi bhi wo zindagi hi nahin

jis ka maqsud aagahi hi nahin

jal rahe hain charagh har jaanib

dil ke hujre mein raushni hi nahin

KHushk sahra mera wajud sahi

par nigahon mein tishnagi hi nahin

aadamiyyat ki soch se hai pare

jis ki fitrat mein aajizi hi nahin

aisa banda bhi koi banda hai

jis mein maujud bandagi hi nahin

husn aasuda-e-nazar kya ho

jis ki KHaslat mein sadgi hi nahin

chand nikla hai aaj chaudhwin ka

mere aangan mein chandni hi nahin

gungunahaT mein gham hai bhanwaron ki

aaj phulon mein tazgi hi nahin

hae is daur-e-na-masaed mein

mo'atabar koi aadmi hi nahin