zindagi gar science hai isko parakhna chahiye

zindagī gar science hai is ko parakhnā chāhiye

zindagī gar art hai is ko nikharnā chāhiye

qīmtī hai vaqt is kī qadr karnā chāhiye

baat koī Thaan lī to kar guzarnā chāhiye

zinda rahne ke liye ye bhī zarūrī hai bahut

aadmī ko vaqt ke sāñche meñ Dhalnā chāhiye

mashvaroñ se hī nahīñ hotā har ik mushkil kā hal

ham ko apne aap se bhī baat karnā chāhiye

news channel aur aḳhbāroñ meñ jaisā dikh rahā

mulk vaisā hai nahīñ ham ko samajhnā chāhiye

sirf vande mātaram kahne se kuchh hogā nahīñ

desh kī ḳhātir hameñ kuchh aur karnā chāhiye

jab ki ġhaibī tāqatoñ se lais haiñ firqe sabhī

diin ko haq baat se phir kyoñ mukarnā chāhiye

zindagi gar science hai is ko parakhna chahiye

zindagi gar art hai is ko nikharna chahiye

qimti hai waqt is ki qadr karna chahiye

baat koi Than li to kar guzarna chahiye

zinda rahne ke liye ye bhi zaruri hai bahut

aadmi ko waqt ke sanche mein Dhalna chahiye

mashwaron se hi nahin hota har ek mushkil ka hal

hum ko apne aap se bhi baat karna chahiye

news channel aur aKHbaron mein jaisa dikh raha

mulk waisa hai nahin hum ko samajhna chahiye

sirf wande mataram kahne se kuchh hoga nahin

desh ki KHatir hamein kuchh aur karna chahiye

jab ki ghaibi taqaton se lais hain firqe sabhi

din ko haq baat se phir kyon mukarna chahiye