zindagi hai ki har ek gam nigun-sar hai abhi

zindagī hai ki har ik gaam nigūñ-sar hai abhī

zehn ghaTte hue ehsās kā mehvar hai abhī

chhūT kar jā.ūñ kahāñ maiñ ki huuñ ḳhud meñ hī asiir

jaane kis dard kā aaseb mire sar hai abhī

zalzala ban ke miTā degī kisī roz mujhe

haa.e vo shai ki jo muzmar mire andar hai abhī

na koī aks na chehra hai na paikar koī

duur tak dhuñd meñ lipTā huā manzar hai abhī

hādse gher na leñ phir sar-e-bāzār mujhe

mere siine meñ vahī shor samundar hai abhī

zindagi hai ki har ek gam nigun-sar hai abhi

zehn ghaTte hue ehsas ka mehwar hai abhi

chhuT kar jaun kahan main ki hun KHud mein hi asir

jaane kis dard ka aaseb mere sar hai abhi

zalzala ban ke miTa degi kisi roz mujhe

hae wo shai ki jo muzmar mere andar hai abhi

na koi aks na chehra hai na paikar koi

dur tak dhund mein lipTa hua manzar hai abhi

hadse gher na len phir sar-e-bazar mujhe

mere sine mein wahi shor samundar hai abhi