zindagi ke aaine par ek sadaqat likh di kya

zindagī ke aa.ine par ik sadāqat likh dī kyā

ek pāgal ne bhalā aisī ibārat likh dī kyā

jis ke dāman par lahū ke chhīñTe hī chhīñTe rahe

naam par us ke chaman kī ab imāmat likh dī kyā

sach ko sach kahnā jahāñ par ho gunāhoñ meñ shumār

ek shā.ir ne jigar se ye haqīqat likh dī kyā

saikḌoñ ma.asūm ke jo qatl kā mujrim huā

dekhiye munsif ne us kī ab zamānat likh dī kyā

nafratoñ ke biij jo botā rahā hai umr bhar

phir usī ke naam tum ne ye mohabbat likh dī kyā

jis ne sajda kar liyā ho vaqt ke shah kā yahāñ

naam us ke ḳhūbsūrat sī imārat likh dī kyā

maiñ ne to bas aa.ina hī ik dikhāyā thā faqat

vaqt ke munsif ne us ko bhī baġhāvat likh dī kyā

vaqt kī dīvār par maiñ ne jo dekhā thā kabhī

chalte chalte us kī ai 'sārim' sarāhat likh dī kyā

zindagi ke aaine par ek sadaqat likh di kya

ek pagal ne bhala aisi ibarat likh di kya

jis ke daman par lahu ke chhinTe hi chhinTe rahe

nam par us ke chaman ki ab imamat likh di kya

sach ko sach kahna jahan par ho gunahon mein shumar

ek shair ne jigar se ye haqiqat likh di kya

saikDon masum ke jo qatl ka mujrim hua

dekhiye munsif ne us ki ab zamanat likh di kya

nafraton ke bij jo bota raha hai umr bhar

phir usi ke nam tum ne ye mohabbat likh di kya

jis ne sajda kar liya ho waqt ke shah ka yahan

nam us ke KHubsurat si imarat likh di kya

main ne to bas aaina hi ek dikhaya tha faqat

waqt ke munsif ne us ko bhi baghawat likh di kya

waqt ki diwar par main ne jo dekha tha kabhi

chalte chalte us ki ai 'sarim' sarahat likh di kya