zindagi ke lutf se sarshaar hona chahiye

zindagī ke lutf se sarshār honā chāhiye

aadmī ko aadmī se pyaar honā chāhiye

ye junūnī kaifiyat dil se nikāleñ apne log

amn ke māhaul meñ tyauhār honā chāhiye

tum ko apne saath hī rakkheñge ham har haal meñ

haañ vafāoñ kā magar iqrār honā chāhiye

duur rah kar bhī usī pahle ta'alluq kī tarah

tere mere darmiyāñ ik taar honā chāhiye

mas.aloñ ko hal kareñ mil baiTh kar ham tum magar

faisla nā-qābil-e-inkār honā chāhiye

manzileñ ḳhud baḌh ke chūmeñgī tire 'nāzir' qadam

dil meñ lekin jazba-e-īsār honā chāhiye

zindagi ke lutf se sarshaar hona chahiye

aadmi ko aadmi se pyar hona chahiye

ye jununi kaifiyat dil se nikalen apne log

amn ke mahaul mein tyauhaar hona chahiye

tum ko apne sath hi rakkhenge hum har haal mein

han wafaon ka magar iqrar hona chahiye

dur rah kar bhi usi pahle ta'alluq ki tarah

tere mere darmiyan ek tar hona chahiye

masalon ko hal karen mil baiTh kar hum tum magar

faisla na-qabil-e-inkar hona chahiye

manzilen KHud baDh ke chumengi tere 'nazir' qadam

dil mein lekin jazba-e-isar hona chahiye