zindagi KHwab-e-hasin ka nam hai

zindagī ḳhvāb-e-hasīñ kā naam hai

yā koī ḳhush-rañg ḳhālī jaam hai

zindagī kā kyā hasīñ anjām hai

dil meñ terī yaad lab par naam hai

hañs liyā thā lahje par ham ne kabhī

umr bhar ab āñso.oñ se kaam hai

mast hai jis ne bhī dekhā ek baar

chashm-e-mai-gūñ vo chhalaktā jaam hai

ye shikāyat aur ye āh-o-fuġhāñ

terā da.avā-e-mohabbat ḳhaam hai

jis ne paa.ī ek bhī terī jhalak

vo sadā ḳhāmosh hai gumnām hai

ruuh par ik kaif ban kar chhā ga.ī

yaad se mahkī huī jo shaam hai

pyaar kī terī nazar yā qahr kī

aur kyā ye gardish-e-ayyām hai

jā-ba-jā ham ḳhud bhaTakte hī phire

varna us ke dar pe faiz-e-ām hai

sub.h dekhī hai 'habīb' aur dopahar

aa.ī ab to zindagī kī shaam hai

zindagi KHwab-e-hasin ka nam hai

ya koi KHush-rang KHali jam hai

zindagi ka kya hasin anjam hai

dil mein teri yaad lab par nam hai

hans liya tha lahje par hum ne kabhi

umr bhar ab aansoon se kaam hai

mast hai jis ne bhi dekha ek bar

chashm-e-mai-gun wo chhalakta jam hai

ye shikayat aur ye aah-o-fughan

tera dawa-e-mohabbat KHam hai

jis ne pai ek bhi teri jhalak

wo sada KHamosh hai gumnam hai

ruh par ek kaif ban kar chha gai

yaad se mahki hui jo sham hai

pyar ki teri nazar ya qahr ki

aur kya ye gardish-e-ayyam hai

ja-ba-ja hum KHud bhaTakte hi phire

warna us ke dar pe faiz-e-am hai

subh dekhi hai 'habib' aur dopahar

aai ab to zindagi ki sham hai