zindagi ki chahat mein zindagi se mat khelo

zindagī kī chāhat meñ zindagī se mat khelo

raushnī ke dīvāno raushnī se mat khelo

ai butān-e-be-parva kuchh ḳhudā nahīñ ho tum

pyaar kī ḳhudā.ī meñ bandagī se mat khelo

aap hī ne kar Daalā zindagī se begāna

aap hī to kahte the zindagī se mat khelo

pyaar dil kā saudā hai aql dil kī bīmārī

dostī ke parde meñ dostī se mat khelo

raushnī kī ḳhvāhish meñ jal uThe na pairāhan

raushnī meñ sho.ale haiñ raushnī se mat khelo

tum se kuchh nahīñ matlab haañ magar ḳhirad-mando

ham junūñ-parastoñ kī āgahī se mat khelo

naġhma-e-tamannā se ḳhūn-e-dil Tapaktā hai

ishratoñ ke matavālo shā.irī se mat khelo

mehr-o-māh rahte haiñ tīrgī ke siine meñ

bhuul kar 'ra.īs'-aḳhtar tīrgī se mat khelo

zindagi ki chahat mein zindagi se mat khelo

raushni ke diwano raushni se mat khelo

ai butan-e-be-parwa kuchh KHuda nahin ho tum

pyar ki KHudai mein bandagi se mat khelo

aap hi ne kar Dala zindagi se begana

aap hi to kahte the zindagi se mat khelo

pyar dil ka sauda hai aql dil ki bimari

dosti ke parde mein dosti se mat khelo

raushni ki KHwahish mein jal uThe na pairahan

raushni mein shoale hain raushni se mat khelo

tum se kuchh nahin matlab han magar KHirad-mando

hum junun-paraston ki aagahi se mat khelo

naghma-e-tamanna se KHun-e-dil Tapakta hai

ishraton ke matawalo shairi se mat khelo

mehr-o-mah rahte hain tirgi ke sine mein

bhul kar 'rais'-aKHtar tirgi se mat khelo