zindagi mein babul rakkhe gae

zindagī meñ babūl rakkhe ga.e

aur turbat pe phuul rakkhe ga.e

kor-chashmoñ se kyā gila karnā

aa.ine hī fuzūl rakkhe ga.e

vo jinheñ sangsār honā thā

un ke qadmoñ meñ phuul rakkhe ga.e

kī ga.ī iltijā kī fahmā.ish

band bāb-e-qubūl rakkhe ga.e

maslahat DhūñDne lage the usuul

is liye kuchh usuul rakkhe ga.e

ā.inoñ par ḳharāsheñ Daalī ga.iiñ

aur chehre malūl rakkhe ga.e

maqtā honā thā ho gayā 'tāriq'

fe.al felun fa.uul rakkhe ga.e

zindagi mein babul rakkhe gae

aur turbat pe phul rakkhe gae

kor-chashmon se kya gila karna

aaine hi fuzul rakkhe gae

wo jinhen sangsar hona tha

un ke qadmon mein phul rakkhe gae

ki gai iltija ki fahmaish

band bab-e-qubul rakkhe gae

maslahat DhunDne lage the usul

is liye kuchh usul rakkhe gae

aainon par KHarashen Dali gain

aur chehre malul rakkhe gae

maqta hona tha ho gaya 'tariq'

feal felun faul rakkhe gae