zindagi mushkil kabhi aisi na thi

zindagī mushkil kabhī aisī na thī

aur dil ko be-dilī aisī na thī

ham ne samjhā thā na jab tak ramz-e-shauq

dil kī āvāra-ravī aisī na thī

baam par jab tak ki tum aa.e na the

bām-o-dar par raushnī aisī na thī

jab talak hāsil na thā terā niyāz

apnī shān-e-bandagī aisī na thī

miT chukā hai is zamāne se ḳhulūs

us kī pahle to kamī aisī na thī

ham pahuñch jaate sar-e-manzil magar

rāhbar kī rahbarī aisī na thī

aap jab tak sāmne aa.e na the

ham pe taarī be-ḳhudī aisī na thī

jab talak pahlū meñ vo aa.e na the

lazzat-e-hamsā.egī aisī na thī

vo hasīñ hai 'auj' har mahfil kī jaan

us meñ pahle dilkashī aisī na thī

zindagi mushkil kabhi aisi na thi

aur dil ko be-dili aisi na thi

hum ne samjha tha na jab tak ramz-e-shauq

dil ki aawara-rawi aisi na thi

baam par jab tak ki tum aae na the

baam-o-dar par raushni aisi na thi

jab talak hasil na tha tera niyaz

apni shan-e-bandagi aisi na thi

miT chuka hai is zamane se KHulus

us ki pahle to kami aisi na thi

hum pahunch jate sar-e-manzil magar

rahbar ki rahbari aisi na thi

aap jab tak samne aae na the

hum pe tari be-KHudi aisi na thi

jab talak pahlu mein wo aae na the

lazzat-e-hamsaegi aisi na thi

wo hasin hai 'auj' har mahfil ki jaan

us mein pahle dilkashi aisi na thi