zindagi sada waraq par ek hasin tahrir hai
zindagī saada varaq par ik hasīñ tahrīr hai
aur ye duniyā usī tahrīr kī tafsīr hai
haq-ba-jānib sirf ham haiñ dūsrā koī nahīñ
ḳhud-pasandī kī yahī adnā sī ik tasvīr hai
ye bhī andāz-e-taġhāful aur talavvun kī dalīl
jo bahut pyārā thā ab vo lā.eq-e-tāzīr hai
rāhbar milte haiñ lekin raah dikhlāte nahīñ
manziloñ par jo pahuñch jaa.e vahī rah-gīr hai
zūd-ranjī bhī 'vasiyya' ek aadat hī sahī
ye to batlā deñ ki is meñ kyā mirī taqsīr hai
zindagi sada waraq par ek hasin tahrir hai
aur ye duniya usi tahrir ki tafsir hai
haq-ba-jaanib sirf hum hain dusra koi nahin
KHud-pasandi ki yahi adna si ek taswir hai
ye bhi andaz-e-taghaful aur talawwun ki dalil
jo bahut pyara tha ab wo laeq-e-tazir hai
rahbar milte hain lekin rah dikhlate nahin
manzilon par jo pahunch jae wahi rah-gir hai
zud-ranji bhi 'wasiyya' ek aadat hi sahi
ye to batla den ki is mein kya meri taqsir hai
- Book : Dana Dana Khirman (Pg. 32)
- Author : Fatima waisa jaisi
- Publication : Fatima waisa jaisi (2011)
- Edition : 2011
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
