zindagi se niras logon ko

zindagī se nirās logoñ ko

DhūñD lo ās-pās logoñ ko

ek din maiñ bhī chhoḌ jā.ūñgā

apne pīchhe udaas logoñ ko

kal maiñ tanhā safar pe niklūñgā

mā'zarat kar ke ḳhaas logoñ ko

qurbateñ raas jab nahīñ ātīñ

kyoñ bulāte ho paas logoñ ko

fasl bārūd meñ badal Daalo

aur khāne do ghaas logoñ ko

zindagī maut ban ke miltī hai

vaqt se nā-shanās logoñ ko

ḳhālī kashkol haath meñ le kar

kyoñ dilāte ho aas logoñ ko

zindagi se niras logon ko

DhunD lo aas-pas logon ko

ek din main bhi chhoD jaunga

apne pichhe udas logon ko

kal main tanha safar pe niklunga

ma'zarat kar ke KHas logon ko

qurbaten ras jab nahin aatin

kyon bulate ho pas logon ko

fasl barud mein badal Dalo

aur khane do ghas logon ko

zindagi maut ban ke milti hai

waqt se na-shanas logon ko

KHali kashkol hath mein le kar

kyon dilate ho aas logon ko