zindagi to qaid hai aur parda-e-mahfil mein hai

zindagī to qaid hai aur parda-e-mahfil meñ hai

aarzū husn-e-zamīñ keī gosha-e-ġhāfil meñ hai

DhūñDhtā hai tū jise vo justujū merī bhī hai

maqsad-e-ahl-e-nazar to ek hī manzil meñ hai

bandish-e-kaun-o-makāñ parvāz meñ haa.il nahīñ

hāsil-e-jahd-o-amal to jazba-e-kāmil meñ hai

zulm kī tārīkiyoñ ko jumbish-e-lab sail-e-nūr

bol ki hai vaqt terā jo bhī tere dil meñ hai

jāñ-fishānī os keī aur miTTī keī talab

kyā bujhegī pyaas lekin kuchh namī to dil meñ hai

zindagi to qaid hai aur parda-e-mahfil mein hai

aarzu husn-e-zamin kei gosha-e-ghafil mein hai

DhunDhta hai tu jise wo justuju meri bhi hai

maqsad-e-ahl-e-nazar to ek hi manzil mein hai

bandish-e-kaun-o-makan parwaz mein hail nahin

hasil-e-jahd-o-amal to jazba-e-kaamil mein hai

zulm ki tarikiyon ko jumbish-e-lab sail-e-nur

bol ki hai waqt tera jo bhi tere dil mein hai

jaan-fishani os kei aur miTTi kei talab

kya bujhegi pyas lekin kuchh nami to dil mein hai