zindagi tujhko kahin par to Thaharna hoga
zindagī tujh ko kahīñ par to Thaharnā hogā
rasm-e-duniyā ko nibhāte hue marnā hogā
paañv thak jaa.eñ badan kāñpe yā dil ghabrā.e
jalte sahrā se hameñ roz guzarnā hogā
kyā vahī mauj-e-balā kyā vahī mañjdhār kā ḳhauf
ġham ke dariyāoñ se ab paar utarnā hogā
chhoḌ duuñ kaise adhūrā maiñ koī kaam tirā
tere ḳhāke meñ mujhe rañg to bharnā hogā
laakh hālāt tujhe karte hoñ majbūr 'siyā'
TuuT kar bhī na kahīñ tujh ko bikharnā hogā
zindagi tujh ko kahin par to Thaharna hoga
rasm-e-duniya ko nibhate hue marna hoga
panw thak jaen badan kanpe ya dil ghabrae
jalte sahra se hamein roz guzarna hoga
kya wahi mauj-e-bala kya wahi manjdhaar ka KHauf
gham ke dariyaon se ab par utarna hoga
chhoD dun kaise adhura main koi kaam tera
tere KHake mein mujhe rang to bharna hoga
lakh haalat tujhe karte hon majbur 'siya'
TuT kar bhi na kahin tujh ko bikharna hoga
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
