zindagi tujhse alag tarz-e-bayan chahta hai

zindagī tujh se alag tarz-e-bayāñ chāhtā hai

vo taḳhātub ke liye nok-e-sināñ chāhtā hai

ek ik ashk mirā izn-e-ravānī māñge

ek ik dard mirā āh-o-fuġhāñ chāhtā hai

ishq ik ālam-e-hairāñ hai yaqīnī se pare

jo ki har lahza koī dasht-e-gumāñ chāhtā hai

teġh-e-ādā-e-mohabbat mire shānoñ ko na dekh

merī bāñhoñ meñ koī apnī amaañ chāhtā hai

Dhaltā jaatā huuñ tire saath 'safar' karte hue

aur kyā mujh se tū ai vaqt-e-ravāñ chāhtā hai

zindagi tujh se alag tarz-e-bayan chahta hai

wo taKHatub ke liye nok-e-sinan chahta hai

ek ek ashk mera izn-e-rawani mange

ek ek dard mera aah-o-fughan chahta hai

ishq ek aalam-e-hairan hai yaqini se pare

jo ki har lahza koi dasht-e-guman chahta hai

tegh-e-ada-e-mohabbat mere shanon ko na dekh

meri banhon mein koi apni aman chahta hai

Dhalta jata hun tere sath 'safar' karte hue

aur kya mujh se tu ai waqt-e-rawan chahta hai