zom na kijo shama-ru bazm ke soz o saz par

zom na kiijo sham.a-rū bazm ke soz o saaz par

rakhiyo nazar bajā-e-nāz ḳhātir-e-pīr-e-nāz par

zeb nahīñ hai shaiḳh ye mai-kash-e-pāk-bāz par

tohmateñ sau lagā.egā dāġh-e-jabīñ niyāz par

kahtā huuñ har hasīñ se maiñ niyat-e-ishq hai mirī

aa.egā merā dil magar shāhid-e-dil-navāz par

farq hayāt o marg kā murġh-e-chaman ke dil se pūchh

detā hai fauq daam ko chañgul-e-shāh-bāz par

ḳhvāb-e-lahad hai pur-sukūñ ahd-e-hayāt pur-alam

maut na kyuuñ ho tāna-zan zindagi-e-darāz par

sañg-e-dar-e-habīb par hotā huuñ sajda-rez maiñ

ḳhalq-e-ḳhudā hai mo'tariz mujh pe mirī namāz par

mun.im-e-be-basar yūñhī dekhiye tā-kujā rahe

mahv-e-nashāt o ḳhush-dilī naġhma-e-tār-e-sāz par

faḳhr-e-amal na chāhiye sa.i-e-amal zarūr hai

aañkh rahe lagī huī rahmat-e-kārsāz par

dar pe butoñ ke dī sadā 'sā.el'-e-be-navā ne ye

fazl-e-ḳhudā rahe mudām hāl-e-gadā-navāz par

zom na kijo shama-ru bazm ke soz o saz par

rakhiyo nazar baja-e-naz KHatir-e-pir-e-naz par

zeb nahin hai shaiKH ye mai-kash-e-pak-baz par

tohmaten sau lagaega dagh-e-jabin niyaz par

kahta hun har hasin se main niyat-e-ishq hai meri

aaega mera dil magar shahid-e-dil-nawaz par

farq hayat o marg ka murgh-e-chaman ke dil se puchh

deta hai fauq dam ko changul-e-shah-baz par

KHwab-e-lahad hai pur-sukun ahd-e-hayat pur-alam

maut na kyun ho tana-zan zindagi-e-daraaz par

sang-e-dar-e-habib par hota hun sajda-rez main

KHalq-e-KHuda hai mo'tariz mujh pe meri namaz par

munim-e-be-basar yunhi dekhiye ta-kuja rahe

mahw-e-nashat o KHush-dili naghma-e-tar-e-saz par

faKHr-e-amal na chahiye sai-e-amal zarur hai

aankh rahe lagi hui rahmat-e-karsaz par

dar pe buton ke di sada 'sael'-e-be-nawa ne ye

fazl-e-KHuda rahe mudam haal-e-gada-nawaz par