zuhur-e-kashf-o-karamat mein paDa hua hun

zuhūr-e-kashf-o-karāmāt meñ paḌā huā huuñ

abhī maiñ apne hijābāt meñ paḌā huā huuñ

mujhe yaqīñ hī nahīñ aa rahā ki ye maiñ huuñ

ajab tavahhum o shub.hāt meñ paḌā huā huuñ

guzar rahī hai mujhe rauñdtī huī duniyā

qadīm o kohna rivāyāt meñ paḌā huā huuñ

bachāo kā koī rasta nahīñ bachā mujh meñ

maiñ apne ḳhāna-e-shah-māt meñ paḌā huā huuñ

maiñ apne dil pe bahut zulm karne vaalā thā

so ab jahān-e-makāfāt meñ paḌā huā huuñ

zuhur-e-kashf-o-karamat mein paDa hua hun

abhi main apne hijabaat mein paDa hua hun

mujhe yaqin hi nahin aa raha ki ye main hun

ajab tawahhum o shubhat mein paDa hua hun

guzar rahi hai mujhe raundti hui duniya

qadim o kohna riwayat mein paDa hua hun

bachao ka koi rasta nahin bacha mujh mein

main apne KHana-e-shah-mat mein paDa hua hun

main apne dil pe bahut zulm karne wala tha

so ab jahan-e-makafat mein paDa hua hun