zulm ke shahr mein jine ka hunar de dena

zulm ke shahr meñ jiine kā hunar de denā

ai ḳhudā merī du'āoñ meñ asar de denā

zindagī dhuup ke sahrā meñ khaḌī hai kab se

aur kuchh tez ho sūraj ko ḳhabar de denā

vo bazāhir hai mirā dost ba-bātin dushman

ḳhud ko maiñ dekh sakūñ aisī nazar de denā

be-gharī bhiiḌ ke dhakkoñ se bachā.e kaise

jis meñ bas pair simaT jaa.e vo ghar de denā

jhuuT kī jabr kī suulī pe laTakte ilzām

ham pe jo shak kareñ ye un ke hī sar de denā

har bure kaam kā anjām burā hotā hai

ab zarā un ke irādoñ ko ye Dar de denā

un ko har ḳhvāb kī tā'bīr batā kar 'rāshid'

ek dil ek qadam ek nazar de denā

zulm ke shahr mein jine ka hunar de dena

ai KHuda meri du'aon mein asar de dena

zindagi dhup ke sahra mein khaDi hai kab se

aur kuchh tez ho suraj ko KHabar de dena

wo bazahir hai mera dost ba-baatin dushman

KHud ko main dekh sakun aisi nazar de dena

be-ghari bhiD ke dhakkon se bachae kaise

jis mein bas pair simaT jae wo ghar de dena

jhuT ki jabr ki suli pe laTakte ilzam

hum pe jo shak karen ye un ke hi sar de dena

har bure kaam ka anjam bura hota hai

ab zara un ke iradon ko ye Dar de dena

un ko har KHwab ki ta'bir bata kar 'rashid'

ek dil ek qadam ek nazar de dena