zulmaton se jang apna kaam ban kar rah gai

zulmatoñ se jañg apnā kaam ban kar rah ga.ī

ye ibādat shaġhl-e-sub.h-o-shām ban kar rah ga.ī

qāfile aate rahe parcham uThā.e dard ke

dil kī vaadī shāhrāh-e-ām ban kar rah ga.ī

un se milne kī tamannā aur bichhaḌne kā malāl

dhuup chhāñv zindagī kā daam ban kar rah ga.ī

ishq ke ādāb pās-e-bazm aur dil kī pukār

hosh-mandī bandishoñ kā naam ban kar rah ga.ī

mausam-e-gul thā javāñ jab bulbuleñ thiiñ naġhma-ḳhvāñ

fasl-e-gul ab to ḳhayāl-e-ḳhām ban kar rah ga.ī

sat.h par ubhre to the ik pal ko rañgīñ bulbule

zindagī phir talḳhiyoñ kā jaam ban kar rah ga.ī

zulmaton se jang apna kaam ban kar rah gai

ye ibaadat shaghl-e-subh-o-sham ban kar rah gai

qafile aate rahe parcham uThae dard ke

dil ki wadi shahrah-e-am ban kar rah gai

un se milne ki tamanna aur bichhaDne ka malal

dhup chhanw zindagi ka dam ban kar rah gai

ishq ke aadab pas-e-bazm aur dil ki pukar

hosh-mandi bandishon ka nam ban kar rah gai

mausam-e-gul tha jawan jab bulbulen thin naghma-KHwan

fasl-e-gul ab to KHayal-e-KHam ban kar rah gai

sath par ubhre to the ek pal ko rangin bulbule

zindagi phir talKHiyon ka jam ban kar rah gai