aisa shaKHs kahan milta hai apna bhi begana bhi

aisā shaḳhs kahāñ miltā hai apnā bhī begāna bhī

ek jagah jaise mil jaa.e duniyā bhī vīrāna bhī

mere andar sab rahte haiñ raste manzil aur paḌāv

maiñ ne to ḳhud hī sīkhā hai chalnā bhī ruk jaanā bhī

muḌ jaatī haiñ rāheñ aksar an-chāhe sannāToñ tak

mushkil ho jaatā hai tab kuchh kahnā bhī sun paanā bhī

jaise jaise vo miltā hai jaise gum ho jaatā hai

khonā bhī us ko vaise hī paanā bhī apnānā bhī

juḌtā bhī rahtā hai mujh se ghaTtā bhī rahtā hai kuchh

har lamha hotā rahtā hai jiinā bhī mar jaanā bhī

kal tak saaya thā jo merā mujh se bichhḌā dhuup banā

dhuup banā to siikh gayā vo ugnā bhī Dhal jaanā bhī

chhoḌ gayā vo kuchh āvāzeñ maiñ ne jin ko bāñdh liyā

bāñdh liyā us ke hoñToñ kā khilnā bhī murjhānā bhī

aisa shaKHs kahan milta hai apna bhi begana bhi

ek jagah jaise mil jae duniya bhi virana bhi

mere andar sab rahte hain raste manzil aur paDaw

main ne to KHud hi sikha hai chalna bhi ruk jaana bhi

muD jati hain rahen aksar an-chahe sannaTon tak

mushkil ho jata hai tab kuchh kahna bhi sun pana bhi

jaise jaise wo milta hai jaise gum ho jata hai

khona bhi us ko waise hi pana bhi apnana bhi

juDta bhi rahta hai mujh se ghaTta bhi rahta hai kuchh

har lamha hota rahta hai jina bhi mar jaana bhi

kal tak saya tha jo mera mujh se bichhDa dhup bana

dhup bana to sikh gaya wo ugna bhi Dhal jaana bhi

chhoD gaya wo kuchh aawazen main ne jin ko bandh liya

bandh liya us ke honTon ka khilna bhi murjhana bhi