apne dil ka haal yaro hum kisi se kya kahen

apne dil kā haal yaaro ham kisī se kyā kaheñ

koī bhī aisā nahīñ miltā jise apnā kaheñ

ho chukī jab ḳhatm apnī zindagī kī dāstāñ

un kī farmā.ish huī hai is ko dobāra kaheñ

aaj ik ḳhāmosh mātam sā hamāre dil meñ hai

ḳhvāb ke se din haiñ varna ham ise jiinā kaheñ

yaas dil ko bāñdh sar par jald saaya kar junūñ

dam nahīñ itnā jo tum se saañs kā dhokā kaheñ

dekh kar ke āḳhir-e-vaqt un kī mohabbat kī nazar

ham ko yaad aayā vo kuchh kahnā jise shikva kaheñ

us kī pur-hasrat nigāheñ dekh kar rahm aa gayā

varna jī meñ thā ki ham bhī hañs ke dīvāna kaheñ

qāfile vaalo kahāñ jaate ho sahrā kī taraf

aao baiTho tum se ham majnūñ kā afsāna kaheñ

mushk-bū-e-zulf us kī gher le jis jā hameñ

dil ye kahtā hai usī ko apnā kāshnā kaheñ

apne dil ka haal yaro hum kisi se kya kahen

koi bhi aisa nahin milta jise apna kahen

ho chuki jab KHatm apni zindagi ki dastan

un ki farmaish hui hai is ko dobara kahen

aaj ek KHamosh matam sa hamare dil mein hai

KHwab ke se din hain warna hum ise jina kahen

yas dil ko bandh sar par jald saya kar junun

dam nahin itna jo tum se sans ka dhoka kahen

dekh kar ke aaKHir-e-waqt un ki mohabbat ki nazar

hum ko yaad aaya wo kuchh kahna jise shikwa kahen

us ki pur-hasrat nigahen dekh kar rahm aa gaya

warna ji mein tha ki hum bhi hans ke diwana kahen

qafile walo kahan jate ho sahra ki taraf

aao baiTho tum se hum majnun ka afsana kahen

mushk-bu-e-zulf us ki gher le jis ja hamein

dil ye kahta hai usi ko apna kashna kahen