apne haq mein faisla ab kya karen

apne haq meñ faisla ab kyā kareñ

bevafā se ham jafā ab kyā kareñ

bādaloñ ne jab daġhā mujh se kiyā

tīrgī se phir gila ab kyā kareñ

raas jab aane lagī us ko du'ā

doctor se mashvara ab kyā kareñ

bad-numā sā daaġh hai chehra mirā

aa.ina ham dekh kar ab kyā kareñ

pankh jis ke bojh ban kar rah ga.e

aise panchhī ko rihā ab kyā kareñ

zindagī ne har qadam mujh ko Thagā

maut se shikvā gila ab kyā kareñ

jis ke ġham meñ dil mirā labrez hai

us hasīñ ko ham-navā ab kyā kareñ

zaḳhm-e-dil āḳhir harā hai ab talak

haal 'ātish' kā pata ab kyā kareñ

apne haq mein faisla ab kya karen

bewafa se hum jafa ab kya karen

baadalon ne jab dagha mujh se kiya

tirgi se phir gila ab kya karen

ras jab aane lagi us ko du'a

doctor se mashwara ab kya karen

bad-numa sa dagh hai chehra mera

aaina hum dekh kar ab kya karen

pankh jis ke bojh ban kar rah gae

aise panchhi ko riha ab kya karen

zindagi ne har qadam mujh ko Thaga

maut se shikwa gila ab kya karen

jis ke gham mein dil mera labrez hai

us hasin ko ham-nawa ab kya karen

zaKHm-e-dil aaKHir hara hai ab talak

haal 'atish' ka pata ab kya karen