bikhri hui sanson ko qarina nahin aaya

bikhrī huī sāñsoñ ko qarīna nahīñ aayā

jind to milī par Thiik se jiinā nahīñ aayā

ashkoñ ko apne tum ne rihā.ī kyoñ nahīñ dī

hisse meñ mere koī nagīna nahīñ aayā

ḳhanjar udaas hai ki sabhī shar udaas haiñ

ab tak koī faulād kā siina nahīñ aayā

jo paḌh na paa.e tere us chehre kī udāsī

ye dost terā ho ke nā-bīnā nahīñ aayā

'ujlat meñ na raho chale jaane kī sanam tum

lamhoñ meñ chhan ke puurā mahīna nahīñ aayā

raushan charāġh thoḌā zor aur lagāo

gustāḳh havāoñ ko pasīna nahīñ aayā

bikhri hui sanson ko qarina nahin aaya

jind to mili par Thik se jina nahin aaya

ashkon ko apne tum ne rihai kyon nahin di

hisse mein mere koi nagina nahin aaya

KHanjar udas hai ki sabhi shar udas hain

ab tak koi faulad ka sina nahin aaya

jo paDh na pae tere us chehre ki udasi

ye dost tera ho ke na-bina nahin aaya

'ujlat mein na raho chale jaane ki sanam tum

lamhon mein chhan ke pura mahina nahin aaya

raushan charagh thoDa zor aur lagao

gustaKH hawaon ko pasina nahin aaya